SILIWANGI & KI SANTANG : Tempat Nu Diteangan

Tempat Nu Diteangan.



Aya hiji tempat nu salila ieu diteangan, katelahna dayeuh Nagari Pajajaran. Loba dicaturkeun tapi can kungsi kawenohan. Nu ngahandeuleum ku halimunan. Lain dongeng komo lamunan, eta tempat bisa ka sakabeh nulungan, kusabab geus sadia nu jadi warisan, lain siluman, tapi titipan.


Lain teu bisa kalakonan, mun teger nga ikhtiaran, tapi kudu make aturan, ngarah bisa nepi kanu ngawitan. Lain hak batur ieu warisan. Dongeng cenah ceuk sabagian, bari teu bisa ngabuktian, bari ngadodoho jeung nungguan. Kuring nyaho eta dimana, kuring nyaho nu bisa muka saha, kuring nyaho jalmana nu mana,


Hiji budak turunan jalma biasa, teu boga elmu teu boga kawasa, ngan enggeus katulis garisna, muka turub warisan Baduga. Ayeuna geus tumiba mangsana, eta budak ngorehan sesa, sesa nu bisa nulungan jalma loba, sesa nu salila ieu teu disangka aya. Toong mun bisa… Sa urang dibantuan ku dua, geus muka..


Geus ngamimitian ngorehan, kajeun loba nu nonggongan, ngumpulkeun kalakay nu maruragan, bari ngajagi tutunggul ngarah teu katohian. Bral geura miang, ulah sieun ulah hariwang, ku kuring geus kasawang. Ulah poho iteuk, kembang, jeung kujang..

SILIWANGI & KI SANTANG : Tempat Nu Diteangan

Tempat Nu Diteangan.



Aya hiji tempat nu salila ieu diteangan, katelahna dayeuh Nagari Pajajaran. Loba dicaturkeun tapi can kungsi kawenohan. Nu ngahandeuleum ku halimunan. Lain dongeng komo lamunan, eta tempat bisa ka sakabeh nulungan, kusabab geus sadia nu jadi warisan, lain siluman, tapi titipan.


Lain teu bisa kalakonan, mun teger nga ikhtiaran, tapi kudu make aturan, ngarah bisa nepi kanu ngawitan. Lain hak batur ieu warisan. Dongeng cenah ceuk sabagian, bari teu bisa ngabuktian, bari ngadodoho jeung nungguan. Kuring nyaho eta dimana, kuring nyaho nu bisa muka saha, kuring nyaho jalmana nu mana,


Hiji budak turunan jalma biasa, teu boga elmu teu boga kawasa, ngan enggeus katulis garisna, muka turub warisan Baduga. Ayeuna geus tumiba mangsana, eta budak ngorehan sesa, sesa nu bisa nulungan jalma loba, sesa nu salila ieu teu disangka aya. Toong mun bisa… Sa urang dibantuan ku dua, geus muka..


Geus ngamimitian ngorehan, kajeun loba nu nonggongan, ngumpulkeun kalakay nu maruragan, bari ngajagi tutunggul ngarah teu katohian. Bral geura miang, ulah sieun ulah hariwang, ku kuring geus kasawang. Ulah poho iteuk, kembang, jeung kujang..

SILIWANGI & KI SANTANG : BAHASA

Bahasa Resmi (Salah Sahiji Bangsa Jin).


Budala wiko wakajabu, reolna samu, majalate nedi, limo minuku. Wati ? Mandirene situ. Wendosima, mandakutu mina wadabu. Barok badar. Bentomalaku wakinasuta.


Bakawulu mastina biko, wastina maruk bisutana Siliwangi. Sutana Baduga, winggiwisesan Pajajaran. Mintuna baka, mintuna madui. Madui minggala ramaya naguro manusa.


Sutana naguro Sancang sumana kula ambarakuna, jumbuna bilu panggalipana Santang.


(Teu kabeh bangsa Jin ngarti bahasa manusa, Kitu deui sabalikna=red)

SILIWANGI & KI SANTANG : Maung Pajajaran

Maung - Pajajaran


Salah sahiji nyaritakeun zaman harita, aya 3 macan nu dijadikeun ciri. Macan bodas, ciri elmu2 nu ngajurus kana ngubaran. Teu make menyan, sajen, atawa wirid. Ditungtungan ku muntang jeung nyerahkeun diri ka Allah SWT. Elmu nyieun ubar tina dangdaunan, akar jeung sajabana. Ubar panyakit katempo jeung teu katempo. Pajajaran geus ti baheula ngarti jeung nyaho kumaha ngubaran. Teu dicampur ku mistik. Teu ngalanggar akidah..


Macan Hideung, ciri elmu2 nu ngajurus kana kadunyaan, ngatur hate jalma, ngahijikeun salaki pamajikan nu pipisahan, ngoprek hate jalma, miceun hate jalma nu kedul, bedegong, harak, jeung sajabana… Sarua teu make sajen, menyan, atawa kudu wiridan atawa puasa… Istuning tina kakuatan diri…


Macan loreng, lodaya, maung loreng, ngajurus kana elmu2 heuras, saperti silat pamacan, sinuwun tilu jeung sajabana, nempo ti kajauhan, ngoet ti kajauhan, ngarusak jeung ngajaga supaya teu rusak… Teu make menyan, sajen atawa ngawirid jeung puasa. Estuning tina kakuatan diri…


Kunaon teu make wirid atawa puasa ? Sabab eta mah jang ibadah ka Gusti Allah. Teu meunang dipengkolkeun kana tujuan eta. Kunaon teu make menyan atawa sajen ? Kusabab lain menta bantuan jin, jeung kudu make aturan muslim.. Dimana ayeuna eta elmu2 teh ? Di nu tiluan… Teu bisa diteangan, ke oge datang… Datang ka saha ? Ka jalma2 nu geus ka ukur ka alusan jerona… Akidahna… Nu tiluan dimana ? Boa-boa nu sapopoe aya hareupeun anjeun… Wallahu’alam…

SILIWANGI & KI SANTANG : Ki Santang Jeung Bangsa na

Ki Santang Jeung Bangsana

· Santang, pamingpin ti salah sahiji bangsa jin, hiji nagari nu dipikanyaho ku bangsa Ki Baduga. Ka iket ku jangji. Jangji sosobatan. Lain jangji nu diharamkeun ku Qur'an. Ulah dibolokotan ku kapercayaan nyimpang. Nu matak ngarusak kaimanan. Anggur geura buru teangan, Katerangan Nu Bisa Jadi Puntangan.

· Hiji mangsa, salah sahiji nyarita. Kunaon bet bangsa kuring nu kerep disalahkeun ? Bangsa kuring jeung anjeun sarua. Boga anak, boga kulawarga. Dahar, nginum, nyeri, gering, bungah, neangan rejeki, maot… Naon bedana jeung aranjeun ? Teu pantes ngan ukur disalahkeun, digogoreng, difitnah…

· Kawajiban kuring sarua, ibadah, nu daek ibadah… Ulah ngamulyakeun bangsa kuring, nyembah, atawa ngagantungkeun nasib, nanya mangsa kahareup… da bangsa kuring ge sarua teu nyaho. Mun aya nu mere nyaho ti bangsa kuring (nu jiga tadi disebutkeun), ngan ngabobodo, ulah di denge… Anggur urang babarengan muntang ka Allah SWT.

· Kuring jeung anjeun beda alam, lain goib. Ngan kuring teu eces katingali. Tapi lain teu bisa panggih. Bangsa kuring jeung anjeun nu bener akidahna moal sagawayah manggihan atawa cumarita, da teu meunang ceuk agama. Saha nu sagawayah ? Nyaeta jin atawa manusa nu teu milu aturan agama.

· Umur urang sarua, pondok. Ngan kusabab beda alam kuring jiga hirup leuwih lila. Keur tapakurankeuneun meureun. Kuring gancang mun ngalengkah ? Enya mun di alam anjeun. Di alam kuring nya saayana. Sakali deui kuring menta aranjeun bangsa manusa ulah loba kapengkolkeun kayakinan. Ulah kabobodo.

· Teu sakabeh bangsa kuring bisa atawa kungsi manggihan bangsa anjeun. Kitu deui sabalikna. Saha nu bisa ? Urusan Nu Kawasa.

· Euweuh kadaharan anjeun nu bisa didahar ku kuring. Kuring cenah dahar tulang ? Atawa kuring dahar manusa hirup da aya tulangan. Henteu pisan. Jadi jang naon anjeun mere sajen ka kuring ? Da moal dihakan. Teu bisa. Nu aya musyrik, doraka paling gede. Kalah meunang murka.

SILIWANGI & KI SANTANG : Prasasti Batu Tulis

Prasasti Batu Tulis ?

· Kunaon Prasasti Batu Tulis aya ? Sabab dijieun saenggeus Ki Baduga maot. Saenggeus menta sesa Pajajaran dihandeuleumkeun. Surawisesa nu indit ka kulon, lain nu balik ka dayeuh. Jadi saenyana dayeuh teh lain di tempat Batu Tulis. Prak pikiran, prak baca ku hate.

· Dia nu marisah ka kaler ( kaler di tempat terakhir Raja Pajajaran ), darengekeun ! Dayeuh ku Dia moal kasampak…

SILIWANGI & KI SANTANG : Pesen Ka Nu Tiluan

Pesen Ka Nu Tiluan :

· Aya maksud nu nyulusup dina ati, nepikeun naon nu jadi harti, ngarepkeun ngoreh nu bakal jadi bukti. Sing saha nu geus
dijeujeuhkeun ngariksa, sakabeh titinggal nu jadi sesa, kudu geura netepkeun hate bari teu kudu di paksa. Anjeun aya di dunya, pasti aya maksudna, geura ngaca kana hikmahna, ulah nyumput tina kodratna. Kalakay geus paburantak, euweuh harti pabalatak, lain maksud ka alam calutak, tapi sing geura wani nindak.

· Nu niliktik nulungan jalma leutik, loba nyanghareup manusa loba banda, bari kudu nepikeun aturan ti Nu Kawasa. Bari awak loba kasiksa, jadi pamuntangan jelema loba, teu meunang ngarumas nu geus jadi garisna. Anjeun aya jang jalma loba, ngadegkeun akidah titah Nu Kawasa, geura maca geura walaya.

· Budak gede beuteung badag, sakabeh karusakan di udag, ulah nepi korban loba murag. Leumpang di jalan pinuh ku batu, ngasruk alas teu make baju, milu satia nuturkeun waktu. Anjeun aya jang muka mangsa, dikudukeun hirup di lingkung murka. Tapi hate teu meunang kagoda. Geura muka geura ngariksa, lawan murka.

SILIWANGI & KI SANTANG : Tilarna Sri Baduga Siliwangi

Tilarna Sri Baduga Siliwangi

1. Harita Siliwangi panceg indit ti dayeuh. Malipir sisi gunung nepi ka kidul. Ngasruk2 leuweung geledegan. Nepi ka kuda kadeudeuhna cideka. Teu bisa ditunggangan deui. Bakating ku nyaah jeuh deudeuhna ka eta kuda. Batur kuring nitah ponggawa2na nyieun arca kuda. Titah disimpen di luhur gunung haruman.

2. Kunaon bet kudu di luhur gunung, ngarah bisa keneh nempo dayeuh nu di tinggalkeun cenah. Hulu kudana disanghareupkeun ka dayeuh… Kuda eta jumerit menta tetep diajak kajeun geus aya gantina kuda hideung oge.. Nya dibawa terus bari ngan saukur ditungtun. Nepi ka hiji kampung tengtrem di kidul.

3. Nepi ka kiwari eta arca tetep aya di luhur gunung haruman. Nyanghareup ka dayeuh. Ditungguan ku hiji tangkal gede. Guru kuring tetep mulasara jang pangeling2 sato kanyaah sobat dalitna. Saha ayeuna nu bisa manggihan eta arca kuda ? Nu kuat teu kagoda jang nyembah eta arca.

4. Kunaon dayeuh bet di tinggalkeun, kunaon bet sakabeh nu dipikaboga diteundeun di 25 leuit, kunaon bet anjeuna milih balangsak asruk2an ka leuweung, kunaon bet nepi ka runtuh eta karajaan gede teh, kunaon bet anjeuna menta Ki Santang nyumputkeun dayeuh jeung sakabeh eusina ku halimunan ?

5. Saha nu nyangka Ki Baduga nu sakitu gagah rongkahna nepi ka ninggalkeun kadunyaan alatan hayang tengtrem dunya jeung nyiapkeun akherat ? Saha nu nyangka aya jalma deukeut di karaton nu tega nganyerikeun Ki Baduga nepi kapundungna ti dayeuh ? Saha nu nyangka nepi ka ayeuna eta dayeuh ngahandeuleum ?

6. Dayeuh, hiji tempat luhur gunung. Dijieun pasagi lima. Dihijikeun ku 5 segi tilu. Bisa nempo ka 5 tempat. Aya 5 jalan ka luar. Aya kalapa sarebu tangkal, 25 jajar, 25 leuit tempat panyimpenan urut taman karajaan, kaputren. Ngan saukur aya sesa batu nu digurat ku curuk Ki Baduga saencan hijrah.

7. Ngan hiji batu eta titinggal Ki Baduga nu ka ciri. Ngan Ki Santang nu nyaho dimana eta batu nangtungna. Sawareh ka keueum cai nyusu, herang, tengah dayeuh nu geus jadi leuweung geledegan. Saha nu bisa manggihan..? Budak leutik tukang ngagigiring kalakay jeung tutunggul.. Dimana ? Dihareupeun aranjeun.

8. Ki Baduga netep di hiji tempat, nekunan ibadah nu anyar pinanggih nepi ka tilarna. Diceungceurikan ku sakabeh nu mikanyaahna. Ku batur dalitna. Ki Santang.

9. Dina rek tilarna Ki Baduga nyalukan Ki Santang nu satia nungguan. "Kuring rek titip ka Akang". "Naon Yi," cenah. "Teruskeun tugas kuring ngadegkeun akidah ka Gusti Allah… Kuring rek mulang ka manten-Na". "Duh Gusti," cek Ki Santang, ulah nyarita kitu… Kuring kumaha?" Ki Santang reumbeuy ku cipanon.

10. Bari ngalengis Ki Santang nyarita, "Iraha deui kuring boga dulur jiga Ayi." Ceurik, duanana ceurik. Dua mahkluk gagah rongkah tina dua bangsa jumerit hatena kapisah ku takdir makhluk. "Duh Gusti," Ki Santang ngarenghik deui, cipanona tambah ngarembey… Ki Baduga teu kawawa, milu muragkeun cipanon..

11. Ragrag cipanon kanyaah… Kanyaah nu leuwih ti dulur sakandung… Dulur tina sobat dalit, ti dua jalma (makhluk) nu beda bangsa… Turutaneun aranjeun..

12. "Ulah kitu Ki… Akang kudu ikhlas," Ceuk Ki Baduga bari dadana sesek nahan cipanon. "Kuring rek nitip, handeuleumkeun dayeuh jeung eusina, sakur pakaya kuring di mana wae ayana, bawaan teundeun di dayeuh. Kuring geus nyadiakeun salawe leuit. Jaga ku Akang sabisa-bisa. Kadua ulah hariwang, ke dina mangsana…

13. …aya manusa jiga kuring nu boga hate jiga kuring… Ke datang ka ngimpi akang…". "Yi, ulah ninggalkeun akang… Duh Gusti… akang kumaha?".. "Ulah hariwang kang, anggur mundut ka Nu Kawasa kuring sing salamet nyanghareupan hisab kubur."… Der duanana pa ungku-ungku inget kana dosa-dosana. Cipanon dua prabu ragrag ka dunya.

14. "Kuring nitip rahayat kuring, nu bakal kaleungitan cepengan nepi ka bijil nu tiluan… Nu Saurang bakal dibarengan ku akang, mantuan nu tiluan… Lempengkeun akidahna… Bantuan ku akang… Nitip kuring… Engke dina mangsana bikeun bekel ti kuring… Nyanghareupan hiji jaman nu rusak…

15. Jaman nu rusak ku kahayang…". Saung butut jadi saksi sobat dalit nu rek kapisah ku takdir… Ajal… Saung butut nu jadi saksi… Nepi ka tilarna… Ki Santang ngalenyap… Di usap tarang baturna… Euweuh nu nyaksian ( makhluk hirup lain salian ti Ki Santang )… Ngan duaan… Ki Santang ngalenyap…

16. ( Tos heula…) Assalaamu'alaikum Wr.Wb.

SILIWANGI & KI SANTANG : Jangji - Amanat

Kuring lain kaiket ku jangji, ngan kaamanatan ngajaga nu beunang di jaga
Ulah di udag ku akal jeung indra, sabab loba kajadian alam nu ku urang teu bisa ka baca
Tarima ku hate, asal ulah nyalenggor akidah kanu kawasa

Ayeuna geus mangsana aranjeun jadi urang sunda
lain bangsa anu ngan bisa cumarita
geura narindak jiga nu diamanatkeun batur kuring harita

Kajadian nu kaalaman ku aranjeun ayeuna
geus kabaca di jaman harita
maka geura balik jadi urang sunda saenyana

Salila aranjeun jauh tina kamusyrikan
kuring bakal aya ngabarengan
sugan anu di baca ku raja aranjeun harita kajadian

kuring nyaksian di dieu

SILIWANGI & KI SANTANG : Siliwangi Jalma Biasa

Siliwangi geus tilar dunya, henteu tilem, rubah jadi maung atawa nu mistik laina. Siliwangi jalma biasa, raja pajajaran, bangsa manusa, nu pernah hirup di alam dunya, mingpin tatar sunda. Boga batur deukeut ngarana Santang, pamingpin negri sancang, bangsa jin, lain bangsa manusa, nepi ka ayeuna aya keneh, lain sakti, tapi geus fitrahna sakabeh bangsa jin umurna leuwih panjang.

Ulah nyampurkeun dongeng jeung carita enya. Carita nu aya ayeuna ngan dongeng wungkul, di kira-kira, padahal teu sarua. Euweuh sahiji-hiji acan sesa pajajaran nu geus kapanggih nepi ka danget ieu. Mun hayang nyaho carita sabenerna nanya ki santang, ulah nanya ka jalma, loba di kira-kira.

Siliwangi, ki santang lain maung, lain turunan maung atawa robah jadi maung. Maung ngan saukur ciri. Jadikeun diri rakyat sunda jiga ka gagahan maung. Ulah kalah ngaku-ngaku bangsa maung atawa turunan maung. Jiga nagara anjeun ayeuna nu nyieun ciri nagara, Manuk Dadali. Lain anjeun turunan manuk dadali.

Kuring nonggerak, unggal poe sabenerna aya dihareupeun aranjeun..
Kuring hariwang jeung karunya aranjeun rahayat sunda ngan loba ngobrolkeun ngimpi..
geura hudang, baca... baca... baca alam jeung diri...

absen heula gan..

dulur-dulur nu ti :
Wanacala - Desa Darma - Kecamatan Darma - Kabupaten Kuningan - Jawa Barat - Indonesia
.
sareng/atawa nu ti :
Majalaya (Rancanyiruan) - Bandung - Jawa Barat - Indonesia
.
umumna mah dulur-dulur urang Sunda.

sumangga absen di bagian komentar...
cuang ngawangkong, naon bae lah, pikeun ngarakeutkeun duduluran sunda.

Hapunten bilih aya lepat.
Hatur nuhun.